Εσύ όντες αναστενάεις Εγώ ’ς σον κόσμον χάμαι Έναν ο πόνον ντ’ έχομαι Πάμε πουλόπο μ’ πάμε. γουρπάν σ’εσόν το θέλεμαν Πάμε πουλόπο μ’ πάμε Ντο σύρ’ τ’εσόν το κάρδοπον Εΐνον ας ευτάμε. όντες τερούν τ’ ομμάτοπα σ’ Ατά τα σεβνταλία Κάτ’ άγναν κρούει το κάρδοπο μ’ σκαλών και παίρ’ φωτίαν. γουρπάν σ’εσόν το θέλεμαν Πάμε πουλόπο μ’ πάμε Ντο σύρ’ τ’εσόν το κάρδοπον Εΐνον ας ευτάμε, Εκεί ’ς σο πέραν τα ρασιά Πουλόπα κελαηδούν’νε Ασ’ σην σεβντάν τ’εμέτερον Ατά πα εγροικούν’νε, γουρπάν σ’εσόν το θέλεμαν Πάμε πουλόπο μ’ πάμε Ντο σύρ’ τ’εσόν το κάρδοπον Εΐνον ας ευτάμε
Σάββατο 27 Μαρτίου 2021
Ρωμέισα Καλομάνα
Μουσίκη: Χρήστος Παπαδόπουλος Στίχοι: Μιχάλης Νικολαϊδης Τραγούδι: Πέλα Νικολαϊδου Ση καλομάνα σο κρεβατ, καθέστε τα πουλίαμ Η ώρα εν να λέω σας, εγώ, την ιστορίαμ Τον πόνον ντο επέρασα, εκράτνα σην καρδίαμ Ατά καμίαν κ’ειπα τα, τρόμαζ και η λαλίαμ Σον Πόντο εγένεθα εγώ, εκεί εν η Πατρίαδαμ Έτανε χρόνια ταραγά, διωγμούς και πείναν είδα Έντρισα και επίκα αγούρ, κ’εχάνα την ελπίδαμ Περήφανα κ’ελεύθεροι, να ζούμε σην Πατρίδαμ Έμπαιναν νύχτα οι τουρκαντ, κ’εσταύρωναν ποπάδες Έρθαν και σο χωρίο μουν, κι’εγούεψαν μανάδες Έσπαξαν όλια τα μωρά, αντρούδες, γεροντάδες Θάμαν εν πως επέζησα, άϊκα γιεράδες Σο άιμαν εφουρκίουμνε, ναϊλή το τσικαρόπομ Και εκεί εντούνε άψυχον, τ’αγούριμ σ’εγκαλιώπομ Εβάρκιζα γιατί Θεέμ, ντε ποίκεν το πουλόπομ Θεέμ όλτς εγώ έχασα, έλα έπαρ τον ψόπομ Την ψυμ ας έδινα εγώ, είδα την Παναϊαν Εσύ θα ζεις είπεν γιαβριμ, εϊς σπόρον σην κοιλίαν Δίδυμα θα τρανίντς εσύ, ρωμεϊκον εϊς καρδίαν Προτού αποθάντς θα ιστοριϊς, για την γενοκτονίαν
Τη θάλασσας το νερόν.
Τη θάλασσας το νερόν Άλικον εν άλικoν. Τη κουτσής το φίλεμαν Σον μπεκιάρ εν γιατρικόν. Να αλί εμέν να αλί Σο κιφάλι μ’ κάτ’ λαλεί. 'Εμορφον π' θα φιλεί Πάντα θα παρακαλεί. Τ’ άσκεμον π' θα φιλεί Τη μανίτσαν ατ' να αλί. Φτύσον τον διάβολον Και αρ’ έλα με τ’ εμέν. Ο κόσμον εν ψεύτικον Ο θάνατον αναμέν.
ΞΙ ΞΙ ΤΑ ΚΟΣΣΑΡΑΣ
Ο Κυρ ιμ' έτον χοβαρδάς κ' εγώ είμαι το παιδίν ατ' Να φτάγω τα δουλείας ατ' να πέρω την ευχήν ατ' Ξι ξι ξι ξι τα κόσσαρας χα΄ι΄ χα΄ι΄ τα πετηνάρα Λέγνε με σούκ και δέβα κά' και σα πετηνολάλεια Εγώ είπα το τη μανά σ' εσύ πέει ατο κυρ ισ' Ο Κυρ ισ' εν καλόκαρδος 'κι χάλαν το χατήρ ισ' Ξι ξι ξι ξι για πέταξον και κόνεψον σ' ωμία μ' Πούλλ' ιμ ατό το τέρεμα σ' έκαψεν την καρδία μ' Η σέβντα μ' είπεν κλάδεψον εγώ θα φτάγω φύλλα Γουρπάν σα μαύρα τ' όμματα σ' στέκουν άμον σταφύλια Ξι ξι ξι ξι για πέταξον και κόνεψον σ' ωμία μ' Πούλλ' ιμ ατό το τέρεμα σ' έκαψεν την καρδία μ'
ΧΟΥΙ ΧΟΥΙ Στάθης Νικολαΐδης-Χρήστος Χρυσανθόπουλος
Όσα κορτσόπα εχωρούν, απές σην κάρδâ μ’ θέκω κι’ ατώρα έβρα την πελιά μ’, τόπον 'κι έχω να στέκω. Ναϊλλοί εμέν ντο έπαθα, μανίτσα μ’ χούϊ χούϊ, Ο κόσμον μίαν αγαπά, κι’ εγώ ποίκα το χούϊ. Όλâ σην κάρδâ μ’ έχ’ ατα, έναν απέξ 'κι βγάλω, κι’ ατώρα λες με μέτρα ´τα, τ’ ημ'σά θ’ ανασπάλλω. Ναϊλλοί εμέν ντο έπαθα, μανίτσα μ’ χούϊ χούϊ, Ο κόσμον μίαν αγαπά, κι’ εγώ ποίκα το χούϊ. Κάρδâ μ’ θα ευκαιρώνω σε, ας σ’ όλôν το καλίον, θα παίρω ν’ αναπαίεται, ο νους κ’ η ψυ'ή μ’ ολίγον Ναϊλλοί εμέν ντο έπαθα, μανίτσα μ’ χούϊ χούϊ, Ο κόσμον μίαν αγαπά, κι’ εγώ ποίκα το χούϊ.
Μανίτσα μ΄ εχπαράγα
ΚΩΣΤΑΣ ΘΕΟΔΩΣΙΑΔΗΣ - Μανίτσα μ΄ εχπαράγα. Μανίτσα μ’ έχπαράγα άψιμον εν εκάγα τ’ ατήνες η εγάπη πολλά τρανόν. ‘Κι επορώ να κοιμούμαι ατέν πάντα θυμούμαι σ’ ομμάτοπα μ’ τα δακρä πάντα γομών. Οθέν πάω και στέκω έμπρä μ’ θαρρώ ελέπω τ’ ατήνες την θωρέαν ‘κι ανασπάλλω. Σο νου μ’ και σην καρδία μ’ ‘κι θα βγάλω καμίαν με τ’ ατό την εγάπην πάντα θα ζώ. Η κάρδä μ’ ματωμένον Ας σην σεβντάν καμένον Ατσά κανείς εγροίξεν ‘ντα να πονώ Ερούξα σην σκοτία Τσούξω 'μεν Παναγία μ’ Εγάπην εχ’ και έχω Τ’ αρνίν τ’ εμόν
Καβαζίτας. (Στίχος δεκαπεντασύλλαβος, ρυθμός 5/8)
Καβαζίτα μ’, άκλερε, τ’ ουδάρτς εμελίασεν
Αρμενίτ’σσας. (Στίχος δεκαπεντασύλλαβος, ρυθμός 5/8)
Γιά έλα γιά θα έρχουμαι, γιά το ποτάμ’ θα σκίζω,
Φόνα*. (Στίχος δεκασύλλαβος, ρυθμός 7/8)
Ε, Φόνα, Φόνα, κόρ’ καρδεφόνα,
Ομάλι(ν). (Στίχος δεκατετρασύλλαβος, ρυθμός 9/8)
Τ’ αρνί μ’ ασ’ την Πράσαρην, εγώ ασ’ την Γαράσαρην,
Έμπρ’οπίσ’.
Όλια τα τριαντάφυλλα-ν απέσ’ ’ς σην κάρδια σ’ κείνταν,
Ατσαπάτ’. (Στίχος δεκατετρασύλλαβος, ρυθμός 7/8)
Ε, κόρη τίνος είσαι, μήλον κόκκινον είσαι,
Μωμοέρια
Τα μωμοέρια εξέβανε τα Φώτα τ’ Αγιαννί,
Την πατρίδαμ' έχασ
Την πατρίδαμ' έχασα, άκλαψα και πόνεσα.Λύουμαι κι'αρόθυμο, όι-όιν' ανασπάλω κι' επορώ.
Ρεφραίν:Μίαν κι' άλλο ΄σην ζωή μ'σο πεγάδι μ' σην αυλή μ'.Νέροπον ας έπινα, όι-όικαι τ' ομμάτα μ' έπλυνα.
Τά ταφία μ' έχασαντ' έθαψα κι' ενέσπαλα.Τ' εμετέρτς αναστορώ, όι-όικαι ΄ς σο ψυόπο μ' κουβαλώ.
Ρεφραίν...
Εκκλησίας έρημα,μοναστήρα ακάντηλα,πόρτας και παράθυρα, όι-όιεπέμναν ακρόνυχτα.
Ώσπου θα εν ο θάνατον
Ώσπου θα εν ο θάνατονώσπου θα εν ο χάρονκανείς κι κλώσκεται και λέειεγώ κι θα αποθάνω.
Κόρ' έπαρ' ασό σάβανοκορδέλα σα μαλλία σ'και όντες θα κορδελιάσ' ατάνα κλαις από καρδίας.
Αν αποθάνω θάψτε μεσύρτε απάν-ι-μ χώμααφήστε με παράθυροννα ελέπω την τρυγώνα μ'.
Ανάθεμα και το ρακίνασ' όλιον το καλλίονεκατό δράμια είν' πολλάημσόν οκάν ολί(γ)ον.
μωμογερια (συνθηματα)
Ατσουλούμ: Αραιώστε
Σάλα: Κουνηθείτε
Τιζουρούμ: Στη σειρά
Χαρμάνλαϊ: Ανακατευτείτε
Πιρ ταχά: Άλλη μια φορά
Γεργεριντέ: Επί τόπου
Γέρι:Πίσω
Ίλερι: Μπροστά
ΣυνθήματαΆρς: ΞεκινάμεΤιζουρούμ: Στη σειράΚούπα: Χαμηλά με το κορμί όρθιοΙκέρια: ΠίσωΙλέρια: ΜπροστάΓεργεριντέ: Επί τόπουΣέρτια: Δυνατά - ΈντοναΧάρμαλαϊ: Στροφή επί τόπουΠιρ ταχά: Άλλη μια φοράΤσίφτελουμ: Κάντε δυάδεςΚάρς: ΑντικριστάΑτσουλούμ: ΑραιώστεΤόλισμαν Κάρς: Περάστε απέναντι με περιστροφήΣάλα: ΚουνηθείτεΓέτερ: ΤέλοςΣέσλεϊμ’ Πουλίμ΄Σέσλεϊμ’ : Όλοι φώναζου μαζί ω-ω-ω-ω-χο-χο-χο
Πατρίδα μ αραεύω σε
Πέντε οσπίτεα έχτισα,Κι ας ολεα ξεσπιτούμαι,Πρόσφυγας είμαι ασο κουνίμ,Θεέμ θα παλαλλούμε.
Πατρίδα μ αραεύω σε,Άμον καταραμένος,Στα ξένα είμαι Έλληνας,Και σην Ελλάδαν ξένος.
Οσπίτεα εφέκα ανάμεσα,Σ ορμήν και ποταμάκρή,Πεγάδεα μαρμαρόχτιστα,Νερόν άμον το δάκρυν.
Κι ατώρα αδακές διψώ,Νερόν να πίνω κ έχω,Εντρέπουμαι να ψαλαφώ,Τα χειλόπαμ να βρέχω.
Πήραν την πόλη
Πήραν την πόλη πήραν την...
Ν’ αϊλί εμάς και βάι εμάς οι Τούρκι την Πόλ’ επαίραν επαίραν το βασιλοσκάμ’κι ελάεν η Αφεντία.
Μοιρολογούν τα εκκλησιάςκλαίγνε τα μοναστήρακι ο Αι Γιάννες ο Χρυσόστομονκλαίει και δερνοκοπάται
Μη κλαις, μη κλαις, Αγιάννε μουκαι μη δερνοκοπάσαιη Ρωμανία ’πέρασενη Ρωμανία ’πάρθεν
Η Ρωμανία κι αν ’πέρασενανθεί και φέρει κι άλλο.
Τη θάλασσας το νερόν
Τη θάλασσας το νερόνΑλικόν εν αλικόνΤη κουτσής το φίλεμανΣον μπεκιάρ εν γιατρικόν.
Να αλί εμέν να αλίΣο κιφάλι μ’ κάτ’ λαλείΤ’ έμορφον που θα φιλείΠάντα θα παρακαλείΤ’ ασκεμον που θα φιλείΤη μανίτσα `νατ να αλί.
Φτύσον το διάβολονΚαι αρ’ έλα με τ’ εμένΟ κόσμον εν ψεύτικονΟ θάνατον αναμέν.
Αϊτέντς επαραπέτανεν
Αϊτέντς επαραπέτανεν ψηλά σα επουράνα
Ούι αμάν αμάν.
Είχεν τσαγγία κόκκινα και το τσαρκούλ’ν ατ’ μαύρον
Ούι αμάν αμάν.
Εκράτ’νε και ‘ς σα κάρτζα του παλικαρί βραχιόνας
Ούι αμάν αμάν.
Αϊτέ μ’ για δωσ’ μ’ ας σό κρατείς για πέει με όθεν κείται
Ούι αμάν αμάν.
Ας σό κρατώ ’κι δίγω σε αρ’ όθεν κείται λέγω
Ούι αμάν αμάν.
Ακεί σο πέραν το ραχίν σ’ αλάτα επέκει μέρος
Ούι αμάν αμάν.
Τραντέλλεναν εσκότωσαν και κείται ματωμένος
Ούι αμάν αμάν.
Μαύρα πουλία τρώγ’ν ατόν και άσπρα τριγυλίσκουν
Ούι αμάν αμάν.
’Σ σην θάλασσαν κολυμπετής σ’ ομάλα πεχλιβάνος
Ούι αμάν αμάν.
’Σ σον πόλεμον Τραντέλλενας του Πόντου παλικάρι
Ούι αμάν αμάν.