Έρθαν οι εμπόρ

Στίχοι:   Παραδοσιακό Μουσική:   Παραδοσιακό Περιοχή:   Πόντος 1. Στέλιος Καζαντζίδης

Έρθαν οι εμπόρ’ να παίρνε τσάμπα τον καπνόν
τον χωρέτε `κι ερωτούνε σο λογαριασμόν
Ο καημένον ο χωρέτες πανταλόν πα `κι εχ'
κι ασ’ σην εντροπήν ατ’ κείται σο κρεβάτ’ απές

Εμαζεύταν τα παιδία τ’ απές σο σαλόν
Το ένα λέει "παπούτσια `κι έχω" τ’ άλλο πανταλόν
Έρθανε και τα κορτσόπ’ ατ’ απές σην αυλήν
ένα λέει ντουλάπαν `κι έχω τ’ άλλο μηχανήν

Εχολιάστεν κι η γαρία τ’ , με τ’ άτον μαλών’
"Σκύλ’ υιε, γιατί εδέκες τσάμπα τον καπνόν;"

Επλώθεν απές σο τσαΐρ'

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

Επλώθεν απές σο τσαΐρ
ερούξεν και κοιμάται
έσυρεν το τσούλ’ σο ποτάμ’
ντηδέν πα κι φοάται.

Εσέβεν σ’ εγκαλιόπον μου
κρεμάεν ασήν γούλα μ’
τα απάν’ ατς όλιον έκαιεν
άψιμον με το βρούλαν.

Ο πρόσωπος αγγελικόν
το ματόπα ‘τς φωτάζνε
ασά σειλιόπα τσ’ στάζ’ το μέλ'
φιλώ και εμέν χορτάζνε.

Τ’ αρνί μ’ ελιγοθύμεσεν
σην εγκάλια μ’ ερούξεν
αρ’ μη κατηγοράτ’ ατό
τσελκέικον εν κε εγρίξεν.

Να αλί εμέν να αλί κι ατέν
να αλί τη δυς εντάμαν
τα αμαρτίας εμουν πολλάν
κι σούμες μ’ έναν τάμαν.

Εμέν κι εσέν που θα χωρίζ

 

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Χρύσανθος Θεοδωρίδης

Εμέν κ’ εσέν που θα χωρίζ’
ακόμα κ’ εγεννέθεν
και ους να θε εποίνα σε τεμόν
το ψυόπο μ’ ετελέθεν.

Εφτά χρόν(ε)α κι θα κρούγω
σον πρόσωπό μ’ νερόν(ιν)
και να μη σπογγίζω και χάνω
το φίλεμα τεσόν(ιν).

Πουλί μ’ το ομμάτια σ’ τ’ έμορφα
μακρέα τα μαλλία σ’
και γομάτο εν ασήν σεβντάν
το τρανόν η καρδία σ’.

Έλα έμπα στ΄ εγκαλιόπο μου

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Γιώργος Ιωαννίδης

Έλα έμπα στ’ εγκαλιόπο μου
και σαν χ(σ)έρεα μ’ τα δύο,
η ψύ μ’ να πάει σην κόλασην
εσέν’ `κι παραδίγω.

Εγώ `κι θέλω η εγάπ'
να έν’ με τα μαείας,
θέλω να εν’ με το νάζ'
με τα παρακαλίας...

Εγώ ποπάς κι ίνουμαι

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Αχιλλέας Βασιλειάδης

Εγώ ποπάς κι ίνουμαι
σο ιερόν κ’ εμπαίνω
σίντε θα ψάλλω τραγωδώ
σασεύω κι απομένω.

Απ’ αδά κι απάν’ μη πας
κόφτ’ τ’ ωτία σ’ ο ποπάς
όσο και να εν ποπάς εν
άλλο κι ξομολογά σεν.

Ας λέγω σας ντο είπε με
ένας καλός ποπάς
έμορφον είδες φίλ’ετόν
το κρίμα σ’ μη ρωτάς.

Απ’ αδά κι απάν’ μη πας
κόφτ’ τ’ ωτία σ’ ο ποπάς
όσο και να εν ποπάς εν
άλλο κι ξομολογά σεν.

Επήγα σον πνευματικόν
είπα την αμαρτία μ’
ατό είπε με τηδέν κ’εν
ποίσον ατό άλλον μίαν.

Απ’ αδά κι απάν’ μη πας
κόφτ’ τ’ ωτία σ’ ο ποπάς
όσο και να εν ποπάς εν
άλλο κι ξομολογά σεν.

Εγώ για τέσεν και μόνον

Στίχοι:  

Χρύσανθος Θεοδωρίδης

Μουσική:  

Παραδοσιακό

Περιοχή:  

Πόντος

1.

Χρύσανθος Θεοδωρίδης

Αδά σον κόσμον αγαπώ
ίναν Θεόν και εσένα
αν θέλτ’ ς δέβα σον ανοιχτήν
και εβγάλ’ τ’ εμόν το ψέμαν

Εγώ για τ’ εσέν και μόνον
σύρω τη σεβντάς τον πόνον
το κιφάλι μ’ σο μαξιλάρ'
ο νους ιμ εν `σο δρόμον

Πουλί μ’ εσέν ντο αγαπώ
αν ίσως λέγω ψέμαν
και το χώμαν ντο καταπατώ
να σύρ’ και πιν’ το αίμα μ’

Τυρριανίγουμαι και κλαίγω
σε καν’ νάν τιδέν κι λέγω
σ’ έναν έμορφον κορτσόπον
τα παράπονα μ’ θα λέγω

Χορός / Ρυθμός / Είδος : Καρσλίδικο Όμάλ.

Απ' το άλμπουμ ''Χρύσανθος ‎– Ποντιακή Παράδοση'' , του 1978.
Κεμεντζέ : Γιωργούλης Κουγιουμτζίδης.

https://youtu.be/zLo0P_ITDQk

Γράμμαν μη στειλς με

 Στίχοι:  

Παραδοσιακό

Μουσική:  

Θεόδωρος Κοτίδης

Περιοχή:  

Πόντος

1.

Γεώργιος Σιαμλίδης

Γράμμαν μη στειλς με γιαβρόπο μ’
γομάτα τ’ ομματόπα μ’
κι επορώ ν’ αναγνώθα ατό
τρομάζνε τα σερόπα μ’ .

Συ ασό γιάνι μ’ ντ’ έφυες
τ’ απέσ ι μ’ ερημώθεν
άμον πουλίν επέταξε
σα μακρά π’ εκομπώθεν.

Ση Θεού την ημέρα κιαν
τα γέλτα σ’ αφουκρούμαι
όθεν τερώ ευρίεσαι
Θεέ μ’ θα παλαλούμαι.

Κιντίν και βράδον πολεμώ
τ’ ομμάτια μ’ να τσαμώνω
σο όρομά μ’ να ελέπω σε
το ψόπο μ’ ν’ αλαφρώνω.

Γουρπάνη σ΄ περιστέρα μ

 

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Κώστας Θεοδοσιάδης

Γουρπάνη σ’ περιστέρα μ’
ανάσα μ’ και αέρα μ’
εσέν σ’ εγκάλιοπο μ’ σφιχτά θα κρατώ
θα έχω σε σο γιανι μ’
κι απόκουμπής απάνη μ’
αγγέλ’ φτερά θα φέρω και θα πετώ.

Όρκον σεσέν θα δίω
όλεν τ’ εμόν ο βίον
εμέν κανείς κι θα πορεί να κομπών
εσύ είσαι το νησιάν μ’
μ εφτάσμε περισιάν
η σεβτιά μ’ για τ’ εσέναν πολλά τρανόν.

'Ελα μ’ ακούς την χώραν
η ψη μ’ σέρην ευόραν
άλλος κι θ’ αγαπάσε αμόν εμέν
τιδέν κι θα κομπών μας
εγάπη θα ενών μας
εντάμαν θα γερούμε
αγάπε’μεν.....

Χορός / Ρυθμός / Είδος : Διπάτ.


Του 2005.
Λύρα : Μιχάλης Καλιοντζίδης.
Απ' το CD "Τη Ψης Ιμ' Τραωδίας" ----------------- https://youtu.be/mr1LEzzS7AA

Γετίμ Ογλής

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Αλέξανδρος Παρχαρίδης

Ν’ αηλί εσέν Γετίμ Ογλή επέθανεν ο κύρ’ ισ’
με τη κυρού σ’ το θάνατον εχάθεν το χατήρ ισ’

Ν’ αηλί εσέν Γετίμ Ογλή εχάθεν τ’ εχτιπάρ ισ’
εχιόντσεν και `κι λιμενεύ σο ξερόν το κιφάλ’ ισ’

Πατούρεψα τον εαυτό μ’ κι εσκεπάγα ασό χρέος
βλαστήμεσα βλαστήμεσα εγέμνε αμόν Εβραίος

Χορός / Ρυθμός / Είδος : Επιτραπέζιο.
Παραδοσιακό τραγούδι της περιφέρειας Ματσούκας του Πόντου.



1991 = Χρύσανθος Θεοδωρίδης , , Κεμεντζέ : Χρήστος Τσενεκίδης , ------------- Άλμπουμ ''Χρυσή Παράδοση'' ------------ https://youtu.be/36w-HMAo6Ow

Γαρασαρέτκον

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Αλέξανδρος Παρχαρίδης

Παρχάρ’ αέρα εφύσεσεν
Καπόθεν τέλια τέλια
Τρυγόνα μ’ τα φιλέματα σ'
Γλυκέα άμον μέλια

Σα παρχάρια μη λάσκεσαι
Αρνί μ’ χωρίς εμένα
Κι ασ’ όλια τα νέρα μη πίντς
Κάποιον έχ κι εβδέλαν

Κόρη μ’ παρχαροπούλα είσαι
Ρωμάνας θαγατέρα
Εσέν π’ ελέπ’ την Κερεκήν
‘κι πάει ούς την Δευτέραν

Σ’ ελάτ’ αφ'κά μη κάθεσαι
Τ’ ελατοκλάδια στάζνε
Σα μανουσάκια απές πορπάτ'
Τα κάλλια σ’ να φωτάζνε

Παραδοσιακό Τικ από το χωριό Πάλτσανα της περιοχής της Νικόπολης (Γαράσαρη Πόντου) ,τραγουδά ο Αλέξης Παρχαρίδης, με τον Φίλιππο Κεσαπίδη στη λύρα.


https://youtu.be/u8QWDe_0aYA

Άστρον είσαι σον ουρανόν

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Γιώργος Ιωαννίδης

Άστρον είσαι ασ’ σον ουρανόν,
δεντρόν απέσ’ ση δείσαν,
αούτα τα χερόπα μου,
σον κόλφο σ’ να χουλείσαν.

Έσυρεν οπίσ’ το λετσέκ
κι ατο επεσκεπάεν,
είδα τα καλλία τς τ’ έμορφα,
το καρδόπο μ’ εχπάεν.

Τ’ ομμάτια σ’ πόζια κ έμορφα,
μαύρα είν τα μαλλία σ’
ο πρόσωπο σ’ παρθενικόν
άμον τη ΠαναΪας.

ρεφραιν
Πουλόπον για τ’ εσέναν
τραγωδώ πονεμένα
τ’ ομμάτια μ’ διακρωμένα
και παραπονεμένα

Του 2004.
Στο CD ''Γιώργος και Λάζος Ιωαννίδης ‎– Άμον ταραήλτς" ---------------------- https://youtu.be/ay2ydIxDeqU


ΠΗΓΗ = [ https://www.amazon.com/Amon-tarailts-Giorgos-Ioannidis/dp/B07757HRZ6 ]

Άστρα απάν΄ σον ουρανόν

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Στάθης Νικολαΐδης

Άστρα απάν’ σον ουρανόν
σην κάρδια μ’ έχω πόνον
για ατόν εγώ θα λέγω σας
την ψυ μ’ να ξελαφρώνω.

Εσβύεν το χαμόγελο μ’
το ψυόπο μ’ πικραμένον
κι εγώ ατέν ντο εγάπανα
έφυεν ασόν κόσμον.

Χωρίς νερόν μαραίντανε
τα ρόδα και τα κρίνα
χωρίς εσέν απές σην ψυ μ’
καίουμαι άμον εκείνα.

Άστρα απάν’ σον ουρανόν
ευσήν εγώ θα εφτάω
άστρο να ίνεται κι ατέ
να ελέπω ατέν και πάω.

Ας σ’ έναν μαχαλάν είμες

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Αλέξανδρος Παρχαρίδη

Ας σ’ έναν μαχαλάν είμες και ας σ’ έναν γειτονίαν.
Τ’ έναν τ’ άλλον ν’ ελέπωμεν, 'κ’ επορούμε καμίαν.

Λάχανα πούλι μ', λάχανα, 'ς σο πέραν τη μαχαλάν.
Με τα σέρεα σ’ εποίκες ατά πούλι μ', 'ς σ’ εμέν μ’ εβρήκς μαχανάν.

Ας σο σπίτι αποπανγκές διαβαίνω, αντιδιαβαίνω
κί λες ας σο χατίρ'ν ατ οξωκά ας εβγαίνω.

Πίνω ένα, πίνω δυο, πίνω τρία και μεθώ.
Και ας ση σέρας το κορτσόπον, να γλιτώνω 'κ’ επορώ.

Απ΄ αδά σ΄ εσέτερα

 Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Αλέξανδρος Παρχαρίδης

Απ’ αδά σ’ εσέτερα ξαν πουλί μ’ μακρά πα `κι εν
μήλον να σύρω έρται και κυδών παραδιαβαίν’ ~ αχ πουλί μ’ νασάν εμέν

Εϊ κορτσόπον τουλαλά ρούζομε και κείμες κα
αφκά σο κρεβατόπο σ’ ξαν εφτάμε παλαλά

Ανάθεμα τη μάνα σ’ τον κυρ’ π’ εσέν εποίνεν
'ποίνεν σε πολλά έμορφον σ’ εμέν πελιάν έδινεν

Εϊ κόρη μ’ και σου κυρού σ’ τα δουλεία σ’ ντ’ εποίνες
κάθαν βράδον και πρωί το μαντήλι σ’ έπλυνες

Ανάθεμα ανάθεμα

 

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Κώστας Θεοδοσιάδης

Ανάθεμα ντο έταξες
ανάθεμα ντο εδώκες
σ’ έρημον το καρδόπο μου
τρανόν σεβντάν εντόκες.

Ανάθεμά σε νε κουτσίν
ντο παλαλέσα είσαι
αφήντς εμέν το παλικάρ’
και μαναχέσα κείσαι.

Ανάθεμα τη μάνα σου
τον κύρ’ που εσέν εποίνε
εποίκε σε τσούνας κουτάβ’
σ’ εμέν πελιάν εφήνε.

Ανάθεμα ανάθεμα
διπλάν ανάθεμά σε
ση ψυ σ’ ελιγωθύμανα
κι εσύ έλεες κοιμάσαι.

Αν αποθάνω, θάψον με

 

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Ηλίας Υφαντίδης

Αν αποθάνω, θάψον με σ’ έναν ψηλόν ραχόπον
ν’ ακούω τσoπάν σύριγμαν και τουλουμί λαλόπον,
ν’ ακούω τσoπάν σύριγμαν και γαβαλί λαλόπον.

Pαχόπα μ’ ντο συρίζετε, ποτάμια ντο βοάτε
θα έρτε και διαβαίν’ τ’ αρνί μ’ και ν απ’ εσάς φοάται.

Nα, σαν εσάς ψηλά ραχιά, πάντα χλωροφοράτε
διαβαίνε χρόνια και καιρούς, καμίαν ’κι γεράτε.

Nεοελληνική απόδοση

Aν πεθάνω, θάψτε με σ’ ένα ψηλό βουνό
ν’ ακούω σφύριγμα τσοπάνου και τουλουμιού φωνούλα
ν’ ακούω σφύριγμα τσοπάνου και φλογέρας φωνούλα.

Bουνά μου, γιατί σφυρίζετε, ποτάμια γιατί βοάτε
θα έρθει και θα διαβεί η αγάπη μου και σας φοβάται.

Xαρά σε σας, ψηλά βουνά, πάντα «φοράτε» πράσινα
περνάνε χρόνια και καιροί, ποτέ δε γερνάτε.

1τουλούμι: αγγείον, άσκαυλος
2χλωροφοράτε: «φοράτε» τη χλωρίδα, πρασινίζετε

Ακρίτας όνταν έλαμνεν - 1982

 

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Νίκος Παπαβραμίδης

Aκρίτας όνταν έλαμνεν1 αφκά σην ποταμέαν,
επέγνεν κι έρτουν κι έλαμνεν τη μέραν πέντ’ αυλάκια,
επέγνεν κι έρτουν κι έσπερνεν εννέα κότια2 σπόρον.
Και ν έρθεν πουλίν κι εκόνεψεν ση ζυγονί'3 την άκραν,
και σκούται καλοκάθεται ση ζυγονί’ τη μέσην.
Οπίσ’ πουλίν, οπίσ’ πουλίν, μη τρως την βουκεντρέαν4.
Και το πουλίν ελάλεσεν ανθρώπινον λαλέαν.
Ντό στέκ’ς, ντό στέκ’ς Aκρίτα μου και τίναν αναμένεις;
Tο ένοικό σ’5 εχάλασαν και την καλή σ’ επέραν
και τα μικρά τα πούλοπα σ’6 σο περιβόλ’ εσύραν.
Βιτσοκοπά τον μαύρον ατ’ και φτάν’ και κοντεφτάνει.
Ανοίξετέ με, νε πορτάρ’7, ανοίξτε να σεμπαίνω.
Ενοίξαν ατον οι πορτάρ’, εμπαίν’ απές Ακρίτας.
Άλλοι σκαμνία δίγν’ ατον, άλλοι καυκία8 απλών’νε9
και σο σκαμνίν ’κί κάθεται και το καυκίν ’κί παίρει.
Έσυρεν το σπαθίν ατου ας σο χρυσόν θηκάρι,
χίλιους εμπρός εσκότωσεν και μύριους από πίσω
κι επέρεν την κόρ’ κι έφυγεν εννιά νύχτας κι ημέρας.

1έλαμνεν: όργωνε
2κότια: μονάδα μέτρησης για δημητριακά
3ζυγονί': του ζυγού
4βουκεντρέα: βουκέντρα είναι ραβδί με αιχμηρή απόληξη με το οποίο κεντρίζουν τα βόδια του αρότρου
5ένοικο: το σπίτι, τον οίκο σου
6τα πουλόπα σ’ : τα μωρά σου. Παρατονισμένο για λόγους μέτρου
7πορτάρ': οι φύλακες της πύλης
8καυκία: κούπες για κέρασμα
9υπονοείται γιατί παραλείπονται στίχοι ότι φτάνει στο γάμο της γυναίκας του και προλαβαίνει να τον αποτρέψει

Χορός / Ρυθμός / Είδος : Διπάτ. Ακριτικό.
Παραδοσιακό Ποντιακό τραγούδι για την αρπαγή της οικογένειας του Ακρίτα ,από τον «Ακριτικό Κύκλο», που ανάγεται στον 10-12ο αιώνα σε παραλλαγή των Σουρμένων.



1977 = Τριαντάφυλλος Γεωργιάδης , , Κεμεντζέ : Κώστας Μπαϊρακτάρης , ------------ Άλμπουμ ''Τραγούδια του Πόντου''

1979 = Κωστάκης Καραπαναγιωτίδης , , Κεμεντζέ : Γιωργούλης Κουγιουμτζίδης , ------------ Άλμπουμ ''Ποντιακά Παραδοσιακά Νο 3'' ------------- https://youtu.be/Ar5ucFPm81w

1979 = Κωστίκας Τσακαλίδης (+ λύρα) , τον συνοδεύει η κόρη του Γιούλη , ----------- Άλμπουμ ''Τραγούδια Απο Όλη Την Ελλάδα Με Τον Κωστίκα Τσακαλιδη Και Γιούλη'' ------------ https://youtu.be/SS-p9t-ZZ1Q

1982 = Νίκος Παπαβραμίδης (+ λύρα) , ------------ https://youtu.be/w2ZVOcB42RM

1997 = Γιώργος Αμαραντίδης (+ λύρα) + Χορωδία , ----------- στο CD ''Ακρίτας Όντας Έλαμνεν - Τραγούδια του Ποντιακού Ακριτικού Κύκλου'' -------------- https://youtu.be/2-SlB5PR8TA

2006 = Πέτρος Γαϊτάνος + Χορωδία , , Ενορχήστρωση & λύρα : Μιχάλης Καλιοντζίδης , ----------- στο CD ''Ανθεί και φέρει κι' Άλλο - Τραγούδια του Πόντου'' & στο CD ''Ανθολογία Οι Μεγαλύτερες Επιτυχίες & Τα Ωραιότερα Παραδοσιακά Τραγούδια'' (2006) ----------- https://youtu.be/N_bsUwSl_KM

2011 = Αχιλλέας Βασιλειάδης (+ λύρα) , -------------- στο 2πλο CD ''Αχιλλέας Βασιλειάδης - Τα καλύτερα Ποντιακά τραγούδια'' ------------ https://youtu.be/FgJG4qa_VCE


ΠΗΓΕΣ = [ https://www.discogs.com/search/?q=%CE%91%CE%BA%CF%81%CE%AF%CF%84%CE%B1%CF%82+&type=release ] - - - - - - [ http://www.domnasamiou.gr/?i=portal.el.songs&id=533 ] - - - - - [ http://www.pontos-news.gr/pontic-article/101375/pontiakes-parallages-akritikon-tragoydion ] - - - - - [ https://www.kanellatou.gr/paradosiako/minor-asia/pontos/pon-akritas.html ]

Ακρίτας

 

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

1.

Αχιλλέας Βασιλειάδης

Ακρίτας όντες έλαμνεν,
σην παραποταμέαν.

Επέγνεν κι έρτον κι έλαμνεν,
την ώρα πέντ’ αυλάκια.

Επέγνεν κι έρτον κι έσπερνεν,
εννέα κότια σπόρον.

Έρθεν πουλίν κι εκόνεψεν,
ση ζυγονί την άκρα.

Σκούται και καλοκάθεται,
ση ζυγονί τη μέσεν.

Οπίσ’ πουλίν, οπίσ’ πουλίν,
μη τρως την βουκεντρέαν.

Και το πουλίν κελάηδεσεν,
σαν ανθρωπί’ λαλίαν.

Ακρίτα μου, ντο κάθεσαι,
ντο στέκεις και περμένεις;

Το ένοικο σ’ εχάλασαν,
και την καλή σ’ επαίραν.

Τ’ όλον καλλίον τ’ άλογο σ’ ,
στρώνε και καβαλκεύνε.

Και τ’ άλλα τα καθέτερα,
στέκνε και χλιμιντρίζνε.

Ακρίτας παραθύμωσεν,

ΑΠΑΝ ΣΟ ΜΠΕΛΕΣ ΣΟΦΙΑ ΠΑΠΑΔΟΠΟΥΛΟΥ

  Και Σο Μπέλες Μανά Μ' Σην Οροσειράν Εν Εφέκα Το Κορμόπο Μ' Σο Καφούλ Καικά Εντόκαν Εμέν Τα Σφαίρας Σο Ψιόπο Μ' Απές Κ'εν Εφέκα Το Κορμόπο Μ' 'Σ Σ' Ορμοπόν Απές Κ' Εν Η Χλένι Μ' Εγομώθεν Όλεν Γέματα Το Γιαβρόπο Σ΄ Δε Σκοτώθε Έτον Ψέματα Η Μάννα Μ' Κι Ξέρ' Äτον Ο Κυρή Μ' 'Κι Ζει Ντο Επέμ'νε Το Κορμόπο Μ' Απές Σο Γιαζίν Mάννα Έλα Αράεψον Εύρικον Τον Τόπο Μ' Και Μ' Έναν Κερόπον Άψε Σο Ταφόπο Μ' Και Μανίτσα Μ' Έλα Ποίσον Με Ταφίν Μάζεψον Τα Κοματόπα Μ' Το Γιαβρί Σ' 'Κι Ζεί

ΝΑ ΕΜΝΕ ΕΝΑ ΠΕΤΟΥΜΕΝΟΝ

  Να έμ'νε έναν πετούμενον σ' ορμάν απές πουλόπο μ' κλαδίν κλαδίν επέτανα κι εράευα τ' αρνόπο μ' Ρεφρέν Γουρπάν ισ' ζωγραφία λάσκεσαι σα ραχία κανείται αρ' όσον έπηες άι, τα νερά τα κρύα Να έμ'νε έναν πετούμενον σ' ορμάν απές πουλόπο μ' μοιρολογούνε τα ραχία και χαίρεται το ψυόπο μ' Μοιρολογούνε τα ραχία κλαίγνε τα ποταμάκρεα ακούω πως μοιρολογούν τρέχ'νε τ'εμά τα δάκρεα Μοιρολογούνε τα ραχία κλαίγνε πουλί μ' τ' ορμία ο κόσμος όλον έφυγεν εγέντον ερημία