Ο Κυρ ιμ' έτον χοβαρδάς κ' εγώ είμαι το παιδίν ατ' Να φτάγω τα δουλείας ατ' να πέρω την ευχήν ατ' Ξι ξι ξι ξι τα κόσσαρας χα΄ι΄ χα΄ι΄ τα πετηνάρα Λέγνε με σούκ και δέβα κά' και σα πετηνολάλεια Εγώ είπα το τη μανά σ' εσύ πέει ατο κυρ ισ' Ο Κυρ ισ' εν καλόκαρδος 'κι χάλαν το χατήρ ισ' Ξι ξι ξι ξι για πέταξον και κόνεψον σ' ωμία μ' Πούλλ' ιμ ατό το τέρεμα σ' έκαψεν την καρδία μ' Η σέβντα μ' είπεν κλάδεψον εγώ θα φτάγω φύλλα Γουρπάν σα μαύρα τ' όμματα σ' στέκουν άμον σταφύλια Ξι ξι ξι ξι για πέταξον και κόνεψον σ' ωμία μ' Πούλλ' ιμ ατό το τέρεμα σ' έκαψεν την καρδία μ'
Δεν υπάρχουν σχόλια:
Δημοσίευση σχολίου