Αναθεμά και τα μακρά όθεν κι' πάει λαλίαν
το μάτια' μ εσκοτύνεψαν ασην αρρωθυμίαν
--
Σην ξενιτεία ερρώστεσα και σα κρεβάτια κείμαι
Εφτά γιατροί τερούν' εμέ κι' όσον την μάνα' μ' 'κ' είναι
--
Η ξενιτεία κι ο θάνατον τα δύο έναν 'κ' είναι
εζίασα κι' ετέρεσα η ξενιτεία βαρύν έν'.
--
Τη ξενιτείας τα στράτας τα βρε χ ίας κι πλύνε
Πλύν' ατά οι ξενιτεμέν' με τα δάκρια ντο ξ ύνε.
--
Σεβντά έχω σεβντά πουλώ και σεβνταλής γυρίζω
σεβντά έχω σο καρδόπο μ' και πως θα ταγιανίζω;
--
Εγάπ' 'σ εγέντον τσουβαλτούζ' και σίδερο ξαμένον
Ν' αϊλί εκείνο τη κάρδιαν όθεν έν' καρφωμένον
--
Να (γ)ίνεσε τριαντάφυλλο σο χέρι μ' να κρατώ 'σε
όντες θέλω μυρί σκουμαι όντες θέλω φιλώ σε
--
Σπάξον 'με απάν σα γόνατας αίμαν αφκά μη στάζω
έπαρ με σ' εγκαλιόπο σου αρνίμ όντες νυστάζω
--
Πουλόπο μ' ντο εποίκες με 'κ' επορώ να κ οιμούμαι
κρούνε σο νου μ' το οματόπα σου πάω να παλαλούμαι
--
Χρυσάγγελος θα ίνουμαι χρυσά φτερά θα φέρω
θα κονεύω σην εγκάλια σ' θα παίρω 'σε και φεύω
--
Εγώ κι θέλω η εγάπ' να έν' με τα μαείας
θέλω να έν' με άρ με το νάζ' με τα παρακαλίας
Δεν υπάρχουν σχόλια:
Δημοσίευση σχολίου